உள்ளேக் காண் உணர்த்தி விடும் தான்

உள்ளேக்  காண் உணர்த்தி விடும் தான் 

பிறந்த பிறப்பும் போதவில்லைக் காண் 
பிறவித் துன்பம் தீரவில்லை தான் 
பிறவிச் சுழற்சி ஓயவில்லைக் காண்  
பிறைச் சுழற்சியை பின் பற்றியது தான்!

மறத்தல் என்ற மாயச் செயல் காண் 
மறைத்து ஈசன் செய்த செயல் தான்  
மறந்தும் முற்பிறப்பு வாசம் இல்லைக் காண் 
மறு பிறப்பை நாம்  பெற்ற பின்னும் தான் 

முயற்சி உடையார் இகழ்ச்சி அடையார்க் காண் 
முயன்று முன்னேறிச் சென்றடைவோம் தான் 
முயன்று செல்லும்  பாதை தட்டிவிடும்க் காண்
முயற்சி இடைவிடா தேர்ச்சி தரும் தான் 

ஊன்றி நின்றால் உயர்த்தி விடும் காண் 
ஊன்றிப் பார்க்க உணர்த்திவிடும் தான் 
ஊனம் களைந்து உள் நிறுத்திக் காண் 
ஊன நடனம் காட்டிடுவான் தான் 

எல்லாம் புதியவை

எல்லாம் புதியவை! 

அன்று மலரும் அத்துணையும் புதிது 
காலை  புலரும் பொழுது 
சூரியன் உதிக்கும் விடியல் 
பறவைகள் கலவை ஒலி 

மொட்டிலிருந்து விரியும் மலர்
மிதமாய் விழுந்த பனித்துளி 
நாசி நுகரும் காபி மணம் 
பொங்கி வழிந்த சாதம் 

கொதித்து அடங்கும் குழம்பு 
உண்டு மகிழ்ந்த ருசி 
பாதம் சுட்ட சூடு 
தலையைத் தகித்த வெயில் 

வீதி வலம் வரும் பசுவின் குரல் 
அந்தியில் மலர்ந்த மல்லிகை 
புவியிலிருந்து புறப்பட்ட நீர் 
தழுவிச் சென்ற தென்றல் 

முதல் முறைக் கேட்ட பாடல் 
கண்ணில் விரிந்த காட்சிகள் 
உருத்து விழித்த கோபப்பார்வை 
சட்டெனத் தணிந்த கனிவு 

மொட்டென மலர்ந்த பாசம் 
அதில் தேனின் இனிய நேசம் 
உமிழ் நீர் சுரந்த தாகம் 
அமிழ்தாய் அதை அணைத்த தண்ணீர் 

இதுவரைக் காணா நின் முகம் 
இதுவரைக் கேளா உன் சொல் 
அதிர்ச்சி தந்த கனங்கள்  

மகிழ்ச்சி தரும் மணிகள்

 
உடல் தரும் உபாதைகள் 
மருந்தாய்  வரும் மந்திரங்கள் 
வியக்க வைக்கும் வினாக்கள் 
அசர வைக்கும் விடைகள்

 
தமிழாய் வந்த வார்த்தை 
தன்னில் பதிந்த சொல்லை 
உள்ளபடி உரைக்க வைத்த சிந்தை 
உளறலாய் வரும் உவகை 

ஓராயிரம் உண்டு புதிதாய் 
எல்லாம் என்றும் அனுபவித்தவை 
எல்லாம் என்றும் புதியவை 

அன்றே மலர்ந்தவை 

அக்கணமே ஜனித்தவை 
ஆகவே எல்லாம் புதியவை !

அந்தாதி நாள்

அந்தாதி நாள்!

அடுத்த வருடம் பிறப்பு நாளை 
அந்தம் அடைந்த இந்த வருடம் 
ஆதிமுதல் தொடங்கும் நாளை 
அடுத்த வருடம் எனும் பெயரில் 
ஆங்கில வருடம் எண்ணிக்கை 
ஆயிரம் ஆண்டுகள் கடந்தும் 
தன்னுள் தரணி நிகழ்வைத் 
தேதி வாரியாக நிறைத்தும்
அகிலம் முழுதும் அறிய எளிது 
இந்த ஆங்கில வருட எண்ணிக்கை

எதிலும் வேண்டும் கணக்கு 
எண்ணி எண்ணிக் கழியும் பொழுது 
துளி துளியிலும் நிமிடம் நாழிகை 
நாள் வாரம் மாதம் ஆண்டு என 
இதிலும் வந்தது கணக்கு 
மனிதன் வாழ்க்கை சுழல் 
சுற்றும் இந்த கணக்கில்

சென்ற வருடம் 
விட்டுச் செல்லும் 
சில நினைவுகளைக் 
கடத்திச் செல்லும் 
சில மனிதர்களைப் 
பிரித்துச் செல்லும் 
சில உறவுகளைப் 
பதித்துச் செல்லும் 
சில பதிவுகளைப் 
பறித்துச் செல்லும் 
சில பற்றுகளைக்

கொண்டு சேர்க்கும் 
சில கருத்துகளை 
சில எதிர்பார்ப்பை
சில நம்பிக்கைகளை 
வாழும் சக்தியை 
வாழ்வு பிடிப்பை 
வாழ்க்கை பாதையைத் 
தெளிவு சிந்தையை

அந்தம் ஆனது ஓர் ஆண்டு 
ஆதி முதல் தொடர்ந்தது 
மீண்டும் ஓர் ஆண்டு 
மனிதன் கணக்கில் 
நாளும் கோளும் தன்வழி 
தானே சுற்றித் தரும் நாளில் 
ஒன்றே போலே தந்தது 
மற்றும் ஓர் நாள் 
அந்தமில்லா நாளா 
அந்தாதி நாளா 
நாயகன் நினைக்கும் வரை 
அந்தாதி ஆகும் நாள்.